O ATENEO VIKINGO NO COLEXIO GALEN DE LUGO
Xoves, 27 Novembro 2008 09:33
administrador
A nosa Asociación Cultural ven de participar o día 7 de marzo, nunha charla-coloquio no Centro de Educación Galén, de Lugo (Ver fotos na galería). Este colexio mantén un intercambio co Instituto Skive, de Dinamarca, e nesta ocasión un grupo de rapaces dinamarqueses pasaron unha semana gozando das súas instalacións e compartindo con outros mozos de Lugo as inquedanzas, tanto persoais como culturais. |A nosa implicación nos eventos programados polos mestres do Centro, constou dunha charla-coloquio diante dos rapaces de ámbolos dous pobos, ceñíndonos na constancia das invasións dos tempos medievais. Fíxose unha detallada exposición de cómo e porqué escomezou a Romaría Vikinga de Catoira, o irmanamento que mantén o noso concello co de Frederiksun, a importancia da romaría, tanto na vila coma en toda Galicia, a construcción do drakar, fiel reproducción dunha nao vikinga, o ensalzamento do espírito do primeiro desembarco celebrado na Romaría (1968) coa recuperación e adaptación do galeón "Ursulá", o significado dos cornos nos nosos cascos, as representacións teatrais, etc... En resumo, todo, pero mantendo o segredo do motivo do berro "Ursulá". Os mestres pretendían que os mozos levaran a idea dunha España na que non só hai touros e sol, senón que existe unha cultura moi arraigada. E aboafé que a levaron
OBXECTIVO CUMPRIDO
Xoves, 27 Novembro 2008 09:31
administrador
Xa están na rúa as primeiras 100 edicións da "XANELA ABERTA". O sábado día 16 celebrarémolo en Honesti con tódalas da lei. Logo, e sen máis esperas, o Ateneo Vikingo comezará a andadura das 100 seguintes
LAST_UPDATED2
|
SEMANA VIKINGA
Xoves, 27 Novembro 2008 09:32
administrador
Xa estamos na semana vikinga, na edición nº 45 da Romaría Vikinga. Tódalas noites a iso das dez e media comeza nas Torres a representación da obra de teatro "Os Dez Normandos" escrita e dirixida por Ismael Sobrino e interpretada por as xentes da vila. Serve de aperitivo para o día grande, o domingo 7, en que o 38 desembarco, será sen dúbida o máis espectacular de toda a historia, no que participarán o drakkar, o Galeón Ursulá e unha nave chegada dende Irlanda para a ocasión. As Torres veránse ateigadas de vikingos coma nunca, que en número andarán preto dos cento e medio.
RECOÑECEMENTO "100 XANELAS"
Xoves, 27 Novembro 2008 09:29
administrador
Nas veiras da "Xanela Aberta" número 100, é un orgullo expresar o máis profundo recoñecemento e sincero agradecemento a todos aqueles que dun xeito ou de outro, participaron na edición e distribución da Xanela Aberta ao longo de todos estes anos, ben aportando artigos, dispoñendo dos propios locais para espallar por todo o pobo cadanseu dos números ou regalando unha morea de horas para o reparto por toda a vila |Por comezar como é debido, merece mención especial o xenial "artista" Julio López Suárez quen tallou a sutileza dos mascaróns que engalanan o noso galeón "Ursulá", o de proa primeiro, e arestora rematou o de popa (A mesma man creadora daquel que adornara ao "Pepito", alá polo 1968). E como é de lei, participamos a nosa gratitude aos estabalecementos que colaborades connosco na distribución da “Xanela Aberta”, convidándovos a todos e cada un de vós a que segades participando da nosa lideira: Concello, Biblioteca, Centro de Saúde, Colexio O Progreso, Casa Emilio, Bar de Rañó, Perruquería Boneca, Pub Calandra, Perruquería Luis, Frutería Carmiña, Lotería Mila, Cafetería Galería, Cafetería Stylo, Ultrarmarinos Maruja, Estanco Manteiga, Mesón A Rúa, Catoira 100, Bar As Torres, Super Claudio, Centro Comercial Catoira, Perruquería Puri, Taberna Vikinga, Farmacia Rosario, Bar O Rancho, Bar Baltasar, Bar Gento, Bar Bouzón, Restaurante A Pedra, Asador Donostia, Bar O Canguro, Ferrokey, Ferraxería Sobrino, Farmacia Nando Casal, Bar Mondragón, o Alquiler de Dimo, Bar Camilo, Bar Luis de Coaxe, Mercería Marisa, Bar Oasis, Librería Euroeste, Super José María, Bar Luis Santabaia, Casa Fariña, Bar Chispa, Disco-pub O Garaxe. Asemade, e na función de presidente do Ateneo Vikingo, quero expresar o meu máis afable recoñecemento ás persoas que dispuxeron o seu cóbado ao carón do meu, para que a nosa modesta publicación, primeiro se enchera de artigos e xa que logo chegara a tódolos fogares: Enrique García, Pepe Castaño, Manuel Laya, Máximo Sar, Xesús Santos, Mercedes Arriaga, Alicia López, Fernández de la Gigoña, Moncho Bouzón, Manolo Suárez, Mila Scaloni, Abraham Lorenzo, Miguel "Beatris", Tino Coira, Pilar Prado, Nando Rial, Héctor Lorenzo, Iván Prado e Juanjo López. Se continuades, isto medrará
|
